Desde esta bitácora pretendemos compartir algunhas das actividades que realizamos ou trataremos de realizar . Ademais intenta ser unha ferramenta de axuda para todos aqueles alumnos/as, pais/nais e profesores/as que desexen acceder a temas de información ( libros ,revistas , enlaces , recursos dixitais ,software educativo ...) sobre o traballo e os proxectos que desenvolvemos

sábado, 17 de febrero de 2018

Entroido do venres :



 1.    Obradoiro de  carautas   e   ,  por suposto...
          RE - CI - CLAN - DO      CARTÓNS   . 





 2.   Grupo de  6º agrupados  onda a porta da clase  coas carautas postas


 3. Comida no corredor  . Nas fotos de abaixo  pódese observar   ao grupo   cun comportamento manifestamente larpeiro.




 
                              
                                   
        


            


 Ademais de comer larpeiradas típicas do entroido  e de fabricar carautas tamén cantamos unhas simpáticas coplas de entroido xunto cos compañeiros de todo o colexio.
   Foi un día bonito. 


martes, 13 de febrero de 2018

Festa do entroido do xoves pola tarde .

                       

        Águeda , Simón , Rocío , Lucía Silva e Marina   cóntannos  algunhas cousas da festa do xoves na que recadáronse cartos para a excursión de fin de curso  . 
 Na festa,  a moi boa organización ,  o bo traballo e  a  eficiencia  dos alí implicados   ( pais/nais e alumnos/as  de 6º ) redundaron  nunha festa  moi  entretida e cos obxectivos cumpridos.  Houbo de todo:  mercadillos ,  comida , bebida , música,  rifas , tómbola... 
    En breve pasaremos información sobre a festa do venres  ,  estoutra festa compartida cos compañeiros de todo o colexio.           -----------------------------------------------------------------------              
Águeda 
     Este ano organizamos nós a festa  .  Foi moi divertido.
Compráronnos moitas cousas porque todo estaba
riquísimo .
    Tamén tiñamos unha tómbola pero non tivo
moito éxito, aínda así compraron cousas.  Na comida tiñamos
unha cola interminable pero grazas aos nosos pais conseguimos
facer todos os pedidos e con éxito.
      A xente lle tivemos que gustar porque nos deixaban propina
e todo o mundo se divertía  .Pero houbo un momento ,ao principio,  que non tiñamos cambio e iso nós agobiou pero grazas aos pais
que nos deixaron cambio ,conseguímolo arreglar .
     Os pais foron os nosos salvadores. Tamén asistiron á festa o
director e o noso titor Carlos que nos sacou moitas fotos.
     Os alumnos que organizaron a festa o ano pasado viñeron
e os de hai dous tamén . 
      Case non sobrou comida .  Tamén había unha cesta de comida e para participar nos tiñan que comprar rifas. Vendimos case todas as rifas . E tres persoas gañaron esas magnificas cestas. Saímos de alí  moi tarde porque tiñamos que recoller e contar o diñeiro.
Pero todo ese esforzo valeu a pena porque o que importaba era que a xente o pasara ben.
   Foi un éxito rotundo
                             Simón

O meu posto da festa do entroido foi vender
comida no posto de comida.
Non era moi difícil . O único que era un pouco complicado foi facer os “perritos calentes.”
Nun momento tamén vendín rifas aínda que non vendín tanto como un compañeiro que vendeu as cen rifas.
Recadamos moito diñeiro e ademais nos desfixemos dalgúns xoguetes que xa non nos gustaban. Eu me comprei dous libros. Nun momento dado que eu estaba vendendo “perritos” un señor nos pediu cinco “perritos” e non nos daba tempo a facelos todos , pero maxicamente os maiores nos axudaron e o acabamos.



                              Rocío
Este jueves, como todos los años, hubo una fiesta de carnaval en el colegio en la que se venden cosas como churros,orejas,rosquillas, palomitas y este año hay una cosa nueva que es vender libros y juguetes.
Todo este dinero va para la excursion de fin de curso de los mayores del colegio que este año somos nosotros. Yo iba disfrazada de Caperucita y estuve vendiendo rifas,libros,juguetes y marcapáginas.
Otra curiosidad de la fiesta es que la mayoria de las cosas que se vendían eran hechas por nosotros o juguetes que teniamos. 
         
                               Lucía Silva             
A festa do entroido gustoume moito .

Eu repartín papeletas para o sorteo .

Despois lle din as papeletas a outra nena e fun para o posto de segunda mán .

Alí vendimos moitos xoguetes para darlles un novo uso .

Ao final gañamos 1045 euros.

Nolo pasamos xenial !


                                                              Marina  

 
Onte foi a festa do antroido no noso colexio .Eu máis dous compañeiras atendimos o posto de comida:bocadillos ,palomitas,zumes,refrescos...Había un monton de persoas. Foi moi divertido atender á xente pero tamén un pouco cansino! Ao final recadamos moito diñeiro e pasamolo xenial.


            Aquí  estamos ...
 










              
                     Vellos  e  novos alumnos ,  xuntos  pero non revoltos 
   Os  distinguidos exlumnos/as  que  aquí  aparecen  viñeron a visitarnos , a rememorar os seus vellos tempos  e algunha "batalla" no noso colexio .

 
           Gloria , Ana , Iván e June   aquí están .   Moitos recordos e vivencias foron compartidos  
 con humor  nesta festa. 

miércoles, 31 de enero de 2018

Festa da Paz


    Con algo de xeito,   un pouco de paciencia  e un ritmo aparentemente  ben   marinado   e   aderezado ,  cantamos  unha emotiva  e  bonita canción  sobre a amizade e a  paz ( baixo os acordes , claro  é ,  dun  animado  e  animoso  playback )  . 


Fixémolo en conxunción  artística  cos/coas  compañeiros/as  de todo o colexio.   

Foi  unha bonita xuntanza  afectivo-pacifista da que disfrutamos todos e todas.

    Aquí  estamos ... 
 









sábado, 27 de enero de 2018

Día da Paz . O noso cartel

Velaquí a nosa aportación ao cartel do colexio para a paz


  A paz importa . Ábrelle as portas  
  - CONVIVENCIA - INFORMAR É MELLOR QUE INTOXICAR  👍
- DIÁLOGO  - A PAZ É MOI BONITA-
- ACORDAR É MELLOR QUE MANIPULAR  👍
- FRATERNIDADE - NON Á GUERRA
- RESPECTO ÁS NORMAS QUE SON PARA TODOS. 👌



       En calquera ámbito ( entre estados , territorios, comunidades de veciños, seguidores de equipos de fútbol, institucións educativas...) hai que animar e  estimular de  diferentes maneiras  a todos e a todas a que cumplan as normas de convivencia , as leis e os regulamentos ,  como auténticas garantes da paz . 
     De todos é sabido que as sociedades e as institucións deben de rexirse por normas de convivencia , ademais das leis xerais ,  e non como se fosen cortijos  ou leiras  privadas . 

sábado, 20 de enero de 2018

Concerto de " Cousas de catro "


  Este venres 19 asistimos a un concerto  de " Cousas de 4 " no Pazo da Ópera , en compañía dos nosos compañeiros de 5º .

 Esperemos á semana que ven para ver algún comentario dos nosos críticos  músico-teatrais .
   



Aquí outro vídeo desde outra perspectiva grazas a grabación que fixo e moi amablemente nos pasou  Sandra , a profesora de 5º.

sábado, 6 de enero de 2018

DIGITAL MATHS NOTEBOOK


 


      DIGITAL MATHS NOTEBOOK 
            ( Caderno dixital de matemáticas)


     Participamos este ano nun novo proxecto eTwinning . Compartimos inicialmente este proxecto con escolas de Finlandia , Bulgaria  e  Francia ( Ecole JB Bossard , xa coñecida por nós  e  de   recoñecida e brillante  colaboración no proxecto do ano pasado)
   Céntrase  este curso o proxecto  en  Matemáticas  e vistas estas dun xeito moi específico : elaboramos  e  compartimos información sobre  diferentes aspectos do lugar onde vivimos  ( paisaxes , obxectos , situacións ) a través de fotografías  e debuxos  dixitalizados  que  van  comentados e analizados desde un punto de vista matemático . Con todo ese material farase un caderno  dixital de matemáticas.  Pero iso é o principio ,  o proxecto ten máis actividades.

   De momento queda aquí algo reflectido  das moitas cousas xa feitas  . Esperemos que sexa de interés para todos. 


martes, 26 de diciembre de 2017

FESTIVAL DE NADAL . ALGO DE TEATRO

    
     No Festival de Nadal    participamos coa obra "A mensaxe do Rei" que representamos para os nosos compañeiros de Primaria.
    Disfrutamos razonablemente   vendo as xeitosas  actuacións artístico-musicais preparadas polos outros grupos . 
    Pola nosa banda  actuou toda a clase na devandita obriña  e axudamos todos na preparación dos decorados ( houbo moito cartón, poliestireno ,paus de refugallo  e outras trapalladas). A selección de vestiario correu por  parte dos actores e actrices , así como os traballos de caracterización/maquillaxe dos mesmos.
    O  atrezzo  foi  ideado  e subministrado un pouco a salto de mata e baixo os criterios de: esto ten pinta/ esto non ten pinta.  
   Nos ensaios primou o carácter educativo comunitario do evento sobre calquer outro criterio.
  Esperamos que para os/as que a visen resultase entretido e de interese.

 Para nós, a aula de 6, a súa preparación e ensaios foi moi formativo , educativo dabondo e certamente divertido.
   Parabéns a toda a clase  polo traballo realizado! 
          Aquí estamos...


  Román e Inés:  presentadores do festival

 Fotos de diversos momentos da obra intercalados co traballo de obradoiro dos decorados.









miércoles, 15 de noviembre de 2017

O PRESTIGE , A CONTAMINACIÓN E O PAPEL BENEFICIOSO DALGUNHAS BACTERIAS

        Con motivo de cumprirse os  15  anos da catástrofe  ecolóxica do Prestige    MARINA E LUCÍA  SILVA  elaboraron esta información .
    
 O Prestige foi un buque petroleiro monocasco construído no Xapón en 1976 que afundiu fronte ás costas galegas o 19 de novembro de 2002, producindo unha inmensa marea negra que afectou a unha ampla zona comprendida dende o norte de Portugal ata  as Landas ou Vendée en Francia , provocando a maior catástrofe ecolóxica na historia de Galicia e unha mobilización social e política. Desta mobilización xurdiu a plataforma Nunca Máis. 
Especulouse coa posibilidade, nunca demostrada, de que a greta no casco do Prestige fose provocada polo choque dun contedor ou un tronco á deriva. Sábese que horas antes, tres barcos que navegaban pola mesma zona transportando contedores, troncos de madeira e tubos de 1 metro de diámetro, perderon parte das súas cargas.
 Diferentes expertos predixeron que a vida mariña sufriría pola contaminación procedente do Prestige durante un mínimo de dez anos debido ao tipo de vertido, fundamentalmente polo seu contido en hidrocarburos aromáticos .
Estes compostos, de acción tóxica acumulativa, poden envelenar o plancton, os ovos dos peixes e os crustáceos, producindo efectos canceríxenos nos peixes e nos animais que se nutren deles na cadea trófica ...
     A fenda no costado de estribor produciuse por un golpe externo, a causa dun contedor ou dunha onda


   Bacterias comedoras de petróleo



    Hai bacterias que se alimentan do petróleo ,por exemplo a Lysinibacillus que  é unha comedora de petróleo moi coñecida,  aliméntase desa sustancia limpando os mares. Esta bacteria comezou a ser investigada no ano 1990 e leva tres anos sendo  utilizada nas industrias como organismo para eliminar a polución de crudo.
 Esta bacteria pode acumular hidrocarburos e metais pesados . Mediante  encimas especiais este microorganismo logra reducir a molécula do petróleo. De todos modos   os peixes que xa están contaminados non poden descontaminarse e polo tanto as persoas que os comen poden padecer  enfermidades moi perxudiciais como o cancro .